Poslovne vijesti - Makedonija

Измени на закон за царинско работење

Со измените на законот за царинско работење нема да им се влоши, туку напротив ќе им се подобри состојбата на фирмите, тврди првиот цариник Каргов, одговарајќи на минатонеделното барање на стопанствениците да се одложи воведувањето на регулативата, која предвидува 100 процентна банкарска гаранција за царинска постапка.

Директорот на царината вели дека со законските измени на фирмите им се дава поголема флексибилност, а не ограничувања како што предупредуваа бизнисмените од стопанската комора.

„Во делот на пуштање на стоки во слободен промет и денеска е 100 посто банкарска гаранција, тоа значи да ја пуштам стоката во промет и да ја платам царината и другите давачки после еден месец. Меѓутоа со измените се овозможува флексибилност во однос на рокот, да не биде само 30 дена, туку да биде и недела дена, две недели и можност да се плати со одложено плаќање и не веднаш после истекот на рокот. Значи им дава флексибилност и за царинење и за плаќањето“, рече Ванчо Каргов, директор на царинска управа.